實木傢具指南

喺香港，屋企空間有限，點樣揀一個又實用又靚嘅電視櫃，真係一門學問！無論你係住納米樓還是千呎大宅，一個合適嘅電視櫃不僅可以提升收納能力，更能成為客廳的視覺焦點。今日就等小編同大家分享點樣揀選電視櫃，兼教你點計電視同梳化之間最適當嘅距離，等你可以打造一個既舒適又型格嘅家居影院！

點樣揀電視櫃？三大關鍵因素

1. 尺寸與空間配合

   香港單位細，揀電視櫃第一件事就係度清楚擺放位置嘅長寬高！記得預留空間散熱同走線，避免買咗之後發現遮住插座或太逼狹。如果你需要大量收納，可以考慮電視組合櫃，佢可以整合電視、音響、遊戲機等設備，兼收納雜物，保持客廳整潔。

2. 材質與風格選擇

   電視櫃嘅材質直接影響耐用度同美感。我哋推薦原木電視櫃，全木面設計自然溫潤，適合鍾意簡約、文青風格嘅你；如果喜歡現代感強烈一點，可以選擇原木加岩板面設計，岩板耐磨、耐熱，易清潔，同時展現低調奢華感。兩種材質都非常適合香港潮濕氣候，耐用不易變形。

3. 功能與設計細節

   除咗基本放電視，電視櫃嘅功能都可以好靈活！例如有櫃桶、層板或隱藏式收納設計，可以擺放遙控器、雜誌等。記得揀選時留意邊角是否圓滑，避免小朋友碰撞，以及承重能力是否足夠。

如何根據電視大小選擇電視櫃尺寸？

電視櫃嘅高度同闊度要配合電視，否則會影響睇電視嘅舒適度。

1. 高度建議︰當你坐喺梳化時，電視畫面嘅中心點應該接近你眼睛高度。以一般梳化高度（約40-45cm）計算，電視櫃高度大約 45-55cm 最適合。
2. 闊度建議︰電視櫃長度最好比電視大一截，例如 55 吋電視闊度約 123cm，櫃長建議大約 150cm；65 吋電視闊度約 145cm，櫃長建議 170cm 左右。咁樣視覺上先夠平衡。

電視同梳化最適當距離點計？送埋計數機比你！

請輸入梳化同電視距離（米）： 換算