Wally 藤編鞋櫃

可選單門／雙門，單門超慳位，蝸居都放得落
香港好多單位的玄關窄到只夠一個人側身行，傳統大鞋櫃根本放唔落。Wally 藤編鞋櫃提供單門及雙門兩種尺寸選擇——單門型號特別為狹小玄關而設，深度同寬度都經過精心計算，窄身設計唔阻走廊通道，擺喺門口轉角位剛剛好。雙門型號則適合稍為寬敞的空間，收納容量更大。無論你住緊 200 呎劏房定 400 呎居屋，都一定搵到適合嘅尺寸。

可調節層板，波鞋、高踭鞋、長靴全部搞得掂
屋企人嘅鞋款層出不窮——老公著 44 碼波鞋、老婆鍾意買高踭鞋、冬天仲有幾對長靴要收納。傳統鞋櫃層板固定，高踭鞋放唔入、長靴要屈住擺，好快變形。

Wally 藤編鞋櫃配備可調節層板，每塊層板都可以自由拆裝、調整高度。換季嗰陣，夏天較低層板放多幾對涼鞋平底鞋，冬天拉高層板容納長靴，一個櫃搞掂全年鞋款收納，靈活度滿分。

底部開放區，返工放工換拖鞋一腳踢
每日返到屋企，最想就係即刻踢走對鞋，舒舒服服換返對拖鞋。但好多鞋櫃設計冇預留即時換鞋嘅空間，結果門口長期一地都係鞋。

Wally 藤編鞋櫃底部特設開放式收納區，專為日常最常着嗰幾對鞋而設。返工鞋、拖鞋隨手一放就搞掂，唔使開櫃門、唔使彎腰拉抽屜，出門著鞋、入門換鞋都流暢順手。底部懸空設計亦方便清潔，掃地機械人都入到去，打理零死角。

木材可選橡木或黑胡桃木，質感與耐用兼備
香港天氣潮濕，揀鞋櫃最怕板材受潮發脹、變形。Wally 藤編鞋櫃採用100% 純實木製造，冇人造板材、冇貼皮、冇指接板，貨真價實。

木材提供兩種選擇：

北美進口黑胡桃木：花紋細膩漂亮，少結疤，表面光澤飽滿，色澤會隨時間變得更濃郁迷人，適合偏好沉穩高級感嘅用家。
橡木：紋理清晰自然，色調溫暖，適合鍾意日系、北歐簡約風格嘅家居。

兩款木材都經過嚴格選材，配合精良工藝，防潮耐用，喺香港潮濕氣候下依然保持穩定，用幾年都仲係靚仔。

環保膠藤櫃門（PP+PE）｜防水防霉耐高溫，一抹就乾淨
傳統天然藤編櫃門雖然靚，但喺香港潮濕天氣下好易發霉、脆化。Wally 藤編鞋櫃的櫃門採用環保膠藤（PP+PE 材質） ，專為應付香港氣候而設：

防水防霉：PP 與 PE 吸水率極低（<0.01%），幾乎唔受濕氣影響，具備天然抗霉性。

耐高溫：唔怕太陽曬、唔怕熱力影響，擺近窗邊都冇問題。

表面光滑無毛刺：摸上去滑溜唔拮手，唔怕刮傷手腳或衣物。

易清潔打理：平時用濕布一抹就乾淨

外觀上保留咗藤編獨有的編織紋理與自然質感，為家居增添溫暖氛圍。靚得嚟又襟用，仲要好打理——呢個就係 Wally 藤編鞋櫃同普通藤櫃最大嘅分別。